Totò (Antonio de Curtis): Io stongo 'e casa a 'o vico Paraviso tengo tre sta
Io stongo 'e casa a 'o vico Paraviso
tengo tre stanze all'urdemo piano,
int' 'a stagione, maneche e 'ncammisa,
mmocca nu miezo sigaro tuscano,
mme metto for' 'a loggia a respir�.
Aiere ssera, quase a vintun'ora,
mentre facevo 'a solita fumata,
quanno mme sento areto nu rummore:
nu fuja-fuja... na specie 'e secutata...
Mm'avoto 'e scatto e faccio: "Chi va l�?".
Appizzo ll'uocchio e veco 'a dint' 'o scuro
Bianchina, ferma 'nnanze a nu pertuso
'e chesta posta! Proprio sott' 'o muro.
Ma dato ch'era oscuro... era confuso,
non si vedeva la profondit�.
St'appustamento ca faceva 'a gatta,
a dd� la verit�, mme 'ncuriosette...
Penzaie:"Cc� nun mme pare buono 'o fatto:
e si Bianchina 'e puzo nce ne mette,
vuol dire qualche cosa nce adda st�".
E, comme infatti, nun m'ero sbagliato:
dentro al pertuso c'era un suricillo
cu ll'uocchie 'a fore... tutto spaventato,
...'o puveriello nun era tranquillo,
pensava: Nun m' 'a pozzo scapputti�.
Tutto a nu tratto 'o sorice parlaie
cu na parlata in italiano puro:
"Bianchina, ma perch� con me ce l'hai?
Smettila, via, non farmi pi� paura!".
Dicette 'a gatta: "I' nun mme movo 'a cc�!".
"Piet�, piet�, piet�! Che cosa ho fatto?".
E s'avutaie 'e botto 'a parte mia:
�Signore, per piacere, dica al suo gatto
che mi lasciasse in pace e cos� sia!".
"Va bene, va', Bianch�... lascelo st�!".
"Patr�, trasitevenne 'a parte 'e dinto,
che rispunnite a ff� mmiezzo a sti fatte?
Stu suricillo ca fa 'o lindo e pinto,
mme ll'aggia spicci� io ca songo 'a gatta,
si no cc� 'ncoppa che ce stongo a ff�?".
"Va bene, - rispunnette 'mbarazzato -
veditavella vuie sta questione,
per� cc� 'ncoppa nun voglio scenate;
e ricordate ca songh'io 'o padrone
e si rispetta l'ospitalit�".
"E inutile che staje dint' 'o pertuso,
-'a gatta lle dicette - chesta � 'a fine...
Si cride 'e te scanz�, povero illuso!
He fatto 'o cunto ma senza Bianchina...
Songo decisa e nun mme movo 'a cc�!".
"Piet� di me! Piet�, Bianchina bella!".
Chiagneva e 'mpietto lle tremava 'a voce,
cosa ca te faceva arricci� 'a pella.
Povero suricillo, miso 'ncroce
senza speranza 'e se pute salv�!
"Va buo', pe chesta vota, 'izela 'a mano,
cerca d' 'o f� fui stu suricillo,
chello ca staje facenno nun � umano,
te miette 'ncuollo a chi � cchi� piccerillo...
Embe, che songo chesti nnuvit�?".
"'O munno � ghiuto sempe 'e sta manera:
'o pesce gruosso magna 'o piccerillo
(mme rispunnette 'a gatta aiere ssera).
Pur'io aggio perduto nu mucillo
mmocca a nu cane 'e presa; ch'aggia f�?".
"Ma cosa c'entro io con quel cagnaccio!
Anch'io ho una mammina che mi aspetta:
Ges� Bambino, pi� non ce la faccio!
Nella mia tana vo' tornare in fretta;
se non mi vede mamma mia morr�"�
'O suricillo gi� vedeva 'a morte
e accumminciaie a chiagnere a dirotto,
'o core lle sbatteva forte forte,
e p' 'a paura se facette sotto.
Mm'avoto e faccio 'a gatta: "Frusta ll�!".
'A gatta se facette na resata,
dicette: "E se po' iate int' 'a cucina
e truvate 'o formaggio rusecato,
pecch� po' v' 'a pigliate cu Bianchina?
Chisto � 'o duvere mio... chesto aggia f�!".
In fondo in fondo, 'a gatta raggiunava:
si mm' 'a tenevo in casa era p' 'o scopo;
dicimmo 'a verit�, chi s' 'a pigliava
si me teneva 'a casa chiena 'e topi?
Chiaie 'e spalle e mme jette a cucc�!
Tot? (Antonio de Curtis)