Angelo Michele Cozza: 'A vita Mpapucchiato d' 'a speranza 'e dimane l'om

'A vita
Mpapucchiato d' 'a speranza
'e dimane l'ommo parla,
senza arricietto e cu mille smanie
scetanneso ogni matina
fa discorse p� tutt' 'a vita;
appriesso a lli staggione
cu'o core'ncantato
se ne va annamurato
a spasso p' 'o munno,
si mentre corre o passea
p� suspir� se ferma,
nfilato'o filo d' 'a fantasia,
si nun arricama suonne
cose o arrepezza pruggetto.
Maje cuntento, maje sazio,
si spenn' 'a putega d' 'a vanit�,
'e cose s'arrobbe cu l'uocchie:
'a meglia rrobb' 'a v� p'isso!
Si s'affiata cu na femmena,
s'accatta figlie ca danno penziere.
Saglie, scenno,
corre mmiezzo all'anne
ca passano fujenno;
cu na smania d'alleria
pe'luntano part' 'e pressa
affruntann'a vita;
cu curaggio aspetta,
ca chiss�, si p� na vota
nu suonno suoje s'avvera!
Nu bello juorno,
a ntrasatto, senza sciato
annanz' ' a na sagliuta,
a quatt'uocchie, po' c'appura?
Appura ca'na fronna secca
� addeventato! Nu filo'e vita
appena l'rummane!
Senza parl�, appucundruto
s'arritira dint'a n'angulo scuro
e, pigliannes'a vita comme veno,
l�, aspetta ca nu colpo'e viento,
senza scrupulo e piet�,
luntano s' 'o porta
dint'a nu fuosse cupo!
Comm'a tutto chesto
'e vvote aggio pensato!
Mo'o saccio, o'veco, 'o sento
ca tutt'o rummore da vita,
mo pe'uno, mo p� n'ato,
sulo silenzio po' addiventa;
sciu� sciu�, a vita s'accucciuleja
comm'a nu cane ca s'arretira
doppo tanta abbajo,
tale e quale a'o rummore
'e na banda ca scassea
d'int'a strada'e nu paese,
ca quann'a sunat' 'o gran finale,
moggia moggia, zitto zitto,
s'alluntana e, cchi� nun sona!

Angelo Michele Cozza

Più citazioni Angelo Michele Cozza